،؛،.. يالله عفوك ..،؛،
يالله عفــوك يــوم تصفيــة الحســاب ..
.. يوم حصاد لما زرعنا في السنين
يوم الحشــر قـــرب ولا معنا زهاب ..
.. اليوم في الدنيا وبكـرة راحليــــــن
نجني ذنوب ونرتجي عفو وثـــواب ..
.. وعلى نصر ربي لنا مستعجليـــن
تــدرون ليه آمالنـــا كنهـــا ســـراب ..
.. تدرون ليه النصر سيف الأولييــن
الأوليين أعمالهـــــم وفق الكتــــــاب ..
.. قــــاموا عليه وباعوا الدنيا بديــن
وحنا غفلنا بين مـــالذ وطــــــــــاب ..
.. والنصـــر سيف ما يسلـــه غافليــن
نصبح على شوف انتهاكات وخراب ..
. . ونمسي على دمع وتنهات وونيــــن
بصدورنا شي تذوب اله الهضــــاب ..
.. وأفعالنا والواقع ريــــاح .. وطحين
وعلى العيون من الفتن مثل الضباب ..
.. معد درينا من يسار ومـــن يميـــن
ما للضيف الا الدعا لو ما يجـــــاب ..
.. ما غيره الا الشوف مكتوف اليدين
يالله زلزل تحت الأعداء التــــراب ..
.. والطف بنا واحقن دماء المسلميـــن
ندعوك يا قادر على جعل السحــاب ..
.. جيش لنصـــرة قـلـة مستضعفيـــــن
أغرقهم بنوع من أـنواع العقــــــاب ..
.. غرق الغلام اللي يحسب انه فطيـن
لوما عصى نوح نجا به في رحاب ..
.. سفينته وأمضى معه في العمر حين
لكنه اختار الخساره والذهــــــــاب ..
.. اصنع بهم صنعك به وانت المتيــن
والا اخذهم يا مجري سود الحقاب ..
.. أخذ العجوز اللي بقت في الغابرين
ذوقهـــم اللهـــــم أنــــواع العـــذاب ..
.. اللي عثوا في أرضك أمن المفسدين
وألطف بمن لبسوا من التقوى ثياب ..
. عبــــــــادك المستهــــدفين المــتقين
تكالبت عليهــم أنيــــاب الذئـــــاب ..
.. ولا غير عونك يا معين الصابريــن
من بينهم شيبه يعجزون الشبــــاب ..
.. من وقفته من طولها في الركعتيــــن
ومن بينهم بنت تون بلا حجــــاب ..
.. أحجابها لفـوا به الجــــــرح المكيــن
وطفل عن عيون أمه الثنتين غاب ..
.. تبكيه عين وتلتفت لأخيــــه عيــــــن
من هول ما يجري لهم شاب الغراب ..
.. يا وسع حلمك وانت ما فوقك مديــــن
أدعيك وانت ادرى بحال أهل المصاب ..
.. وأمد كفي لك يا أكـــــرم الأكرميــــن
أنتهى ..............................
وتسلم أخوي على ها الفكرة الطيبة وأرجو رجاء خاص من جميع أخواني وأخواتي أعضاء هذا المنتدى جمح زلتي قد أكون زللت من دون قصد .
وفعلاً فا أن الشخص لا يذكر الأشخاص الذين ضحك معهم بل لا ينسى من هم بكو معه وهنا نحن شاركنا بعضنا البعض أحزاننا وأفرحنا وكنا كا العائلة الواحدة .
أذا أنا رحلت عن المنتدى لأي سبباً ما , أو قد أكون رحلت عن الدنيا باأكملها
فقط أريد دعواتكم .
دمتم بحمى الله وحفظه ورعايتة .
أخوكم / الهجير.
__________________  | 
العرض العادي
