صحيح اللي كتبوا في الخيانه كثير..
بس كل واحد أبدع في شعره على قد ألمه ..
وهذي وحده من القصايد لشاعر وبصراحه مدري منهو..
أخليكم مع الأبيات..



لك الله عام كامل شايلـك فالقلـب ياخـوان
حسافه عام كامل ضاع لي في حـب خوانـه
انا وش جابني يمك انا استاهل وانا الغلطان
ياليت من البدايه كل واحد راح فـي شانـه
خساره حبنا . قصدي خساره حبي اللي كان
وفيت ولكـن انتـي مابقلبـك للوفـا خانـه
تعودتي على جمع القلوب وكثـرة الخـلان
تعودتي علـى تمثيـل دور الحـب واتقانـه
شهادة شكر تستاهل على اسلوبـك الفنـان
تصنعت الوله والشوق وانت البوق عنوانـه
وانا جيتك يسابقني على وصلك غلا واشجان
وسلمتـك مفاتيـح الضميـر وكـل بيبانـه
تفضل دوك قلب اللي لعينك طـوع القيفـان
ولافكـر يخونـك لا . ولا خانتـك قيفانـه
تربعتي على قلبه وصرتي فـارس الميـدان
وصرتي كل نبضاته . وصرتي دم شريانـه
سكنتي . ماسكنتي غير في موطن بلا سكان
هنا بين الضلوع العوج .. صرتي كل سكانه
عطيتك حب والله ماعطيته قبلك أي انسـان
ولا حبك كثر حبـي اخـو ايحـب اخوانـه
ولا حبك مثل حبي لوضحى نمر بن عدوان
وخليتي دموع اللي يحبـك تحـرق اوجانـه
خساره يوم حبيتك انا استاهل وانا الغلطـان
وفيت ولكـن انتـي مابقلبـك للوفـا خانـه
نهاية حبي اللي كان قصة طير بـن برمـان
نهاية عام كامل ضاع لي في حـب خوانـه
على مرسى فراق وبعد يرسي قارب الربـان
على جال الوداعيه وكل انسان فـي شانـه


وسلاااااااااااااااااااااااااااامتكم..
د*.م*.ع*.ه*.ش*.ج*.ن*.

__________________
ودّي أموت اليوم وأعيش باكر..
وأشوف منهو بعد موتي فقدني..
ومنهو حملني لين ذيك المقابر..
وأشكر كل من أكرمني ودفنّي..
شخص تعنالي مع إنه مسافر..
وشخص قريب للأسف ماذكرني..
ومنهو يرتب غرفتي والدفاتر..
وإن شاف صوره لي صاح وحضنّي..