 مسكيـن ياشـارب الـدخـان
بسم الله الرحمن الرحيم
يقول الشاعر...
مسكيـن ياشـارب الـدخـان
ياليت تـدري عـن أضـراره
خسران من يشربـه خسـران
يـقـل قــدره ومـقــداره
زوده علـى شاربـه نقصـان
عذاب فـي السـر وجهـاره
يلقـى الملامـات والحقـران
وش حد نفسـه علـى نـاره
غلطان مـن يشربـه غلطـان
يــدق بالقـلـب مسـمـاره
الهـم والـغـم والقـطـران
وإبليـس عـشـش بأفـكـاره
هذا هوى النفـس والشيطـان
يـارب سلّـم مـن أشـراره
أنصحـك يالصقرأبوالجنحـان
قبـل التتـن ينشـب أظفـاره
أتركـه ياطـيّـب السيـسـان
والنـاس للـنـاس عــذاره
إستغفـرالـواحـد الـديّــان
عالـم خفـا العبـد وأسـراره
إعزم عزيمـة هـل الإيمـان
اللي علـى الضيـق صبّـاره
يزيـن وقتـك وجسمـك زان
ويفرح لك الـودن وأزهـاره
ترتـاح مـن هـم بالأطنـان
بنـى علـى كاهلـك شــاره
وإندم على ماضـي قـد كـان
لاتفتكـر وإنــس أخـبـاره
عليـك بالـديـن والـقـرآن
وأشغـل فراغـك بـأذكـاره
إصحب هل الطيب وأهل الشان
تعـزف علـى العـز أوتـاره
تفديـك فـي حومـة الميـدان
فـي طرقـة الخيـر سيّـاره
والعبد مهمـا صلـح غلطـان
سنّـه مــع الـوقـت دوّاره
والعيب الإصـرار والنسيـان
واللي رجع طـاب مشـواره
أنصحك وأنت إفتهـم يافـلان
وإعرف ترى الموت له غـاره
تـرى الليالـي لهـا ألــوان
معروفـة الطـبـع غــدّاره
وصلوا عـدد نـوّ بالأمـزان
والكـون والـبـر وبـحـاره
علـى الـذي جـاء بالتبيـان
رسولنـا شـعّـت انــواره
التعديل الأخير كان بواسطة : ميعاد الوفاء بتاريخ 08-04-2008 الساعة 06:37 PM.
| 
العرض العادي
